ကလေးကို အနှီးထုတ်ပေးနည်း နှင့် လေထုတ်ပေးနည်း

ကလေးကို အနှီးထုတ်ပေးနည်း နှင့် လေထုတ်ပေးနည်း

 


ကဲ ကလေး လေထုတ်ပေးတဲ့ နည်းလမ်းပုံစံတွေကိုအရင်ကြည့်ကြရအောင်
.......................
လေထုတ်ပေးတယ်ဆိုတာ ကလေးလေးတွေရဲ့ အစာအိမ်ထဲ မှာရှိနေတဲ့ လေကိုထုတ်ပေးတာပါ။ #တချို့မေမေတွေကလေးနို့အန်တယ်ဆိုပြီးပြောနေတာကောင်းကောင်းလေထုတ်မပေးတတ်လို့ပါပါတယ်။ ကလေးကို လေထုတ်ပေးဖို့ အကောင်းဆုံးအချိန်ကတော့ နို့စို့ပြီး သို့မဟုတ် နို့စို့နေစဉ်အတွင်းပါ။ ဘာဖြစ်လို့လဲဆိုတော့ ကလေးနို့စို့စဉ် အပြင်က လေအပိုတွေကိုပါ နို့နဲ့ အတူ စုပ်ယူသလို ဖြစ်လို့ပါ။ လေထုတ်ပေးခြင်းဟာ အဲဒိလေ တွေကို ပြန်ထုတ်ပေးတာဖြစ်ပါတယ်။ အဲဒါမှ ကလေးက ကောင်းကောင်း နို့စို့နိုင် အစာစားနိုင်မှာ ဖြစ်သလို နေရတာလည်း သက်တောင့်သက်သာရှိမှာဖြစ်ပါတယ်။ ကလေးလေထုတ်တာ ပုံစံ မျိုးစုံလုပ်ပေးလို့ရပါတယ်။


▪️ပုခုံပေါ်တင်ပြီး လေထုတ်နည်း
ကလေးကို ချီပြီး မျက်နှာကို ပုံခုံးပေါ်တင်ထားလိုက်ပါ။ တကယ်လို့ ကလေးက တနှစ်အောက်ဆိုရင် ပုခုံခေါ်မှာ အဝတ်ခံပေးထားလို့ရပါတယ်။ တခါတလေ အစာအနည်းငယ် ပြန်ထွက်လာတတ်လို့ပါ။ ဒါပေမဲ့ အဲဒါမျိုးက ပုံမှန်ပါ။
ကလေးရဲ့ နောက်ကျောကို လက်ကောက်ဝတ် အားနဲ့ပဲ ဖြည်းဖြည်းပုတ်ပေးပါ။ ကျောကုန်းကို ပွတ်ပေးလို့ ရပေမယ့် သိပ်ပြီးမထိရောက်ပါ။ 
ပုံမှန် လေတက်တဲ့ အသံမျိုးထွက်ပြီးဆို ရပ်လို့ရပါပြီ။တခါတလေ နှာချေသံ၊ အင့်ခနဲမြည်သံ မျိုးလည်း ထွက်တတ်ပါတယ်။


▪️ထိုင်ပြီး လေထုတ်နည်း
ကလေးကို မိမိ ပေါင်နှစ်ခုကြားမှာ ထိုင်ခိုင်းပါ။ အစာပြန်ထွက်လာတာမျိုး ဖြစ်တတ်တာမလို့ အဝတ်ပိုင်းတခုကို ကလေးရှေ့နားမှာ ချပေးထားပါ။ မိခင် လက်တဖက်က ကလေးရဲ့ ရင်ဘတ်ကို ထိန်းပေးထားပြီး ကျန်တဖက်က နောက်ကျောကို ဖြည်းဖြည်းပုတ် သို့မဟုတ် ပွတ်ပေးလို့ရပါတယ်။ ကလေးလေ ထုတ်ဖို့ အဲဒိလိုမျိုး မိနစ်အတော်ကြာပြုလုပ်ပေးရတတ်ပါတယ်။
လေထွက်သွားပြီဆိုလျှင် နို့တိုက်လက်စဖြစ်နေပါက ပြန်တိုက်လို့ရပါပြီ


▪️ဝမ်းလျားမှောက်ပြီး လေထုတ်နည်း
ကလေးကို မိခင် ပေါင်ပေါ်မှာ ဝမ်းလျားမှောက်ပြီးထားပါ။ မိခင် လက်တဖက်က ကလေးရဲ့ ရင်ဘတ်နဲ့ လည်ပင်းကို ထိန်းပေးထားပြီး ကျန်လက်တဖက်နဲ့ နောက်ကျောကို ဖြည်းဖြည်း ပုတ် သို့မဟုတ် ပွတ်ပေးပါ။ အဲလို လုပ်ပေးရတာ ကလေးပေါ်မှာ မူတည်ပြီး မိနစ် အတော်ကြာ တတ်ပါတယ်။ ကလေး နို့တိုက် တိုင်းတော့ လေထုတ်ပေးဖို့ မလိုပေမဲ့ ကလေးက လူးလွန့်နေတယ် မအိမသာ ဖြစ်နေတယ် ဆိုရင် လေထုတ်ပေးပြီးမှ သာ နို့ဆက်တိုက်ပေးပါ။







ဒုတိယအနေနဲ့ကတော့ ကလေးကို အနှီးဘယ်လိုထုတ်ရမယ်ဆိုတာကို ကြည့်ကြရအောင်
..........
မေမေတို့ရေ မွေးစကလေးငယ်လေးတွေအတွက် အနှီးပတ်ဖို့နည်းလမ်းလေးလိုပါတယ်နော်။ နည်းနည်းလေးအရွယ်ရလာရင်တော့ ကလေးငယ်လေးတွေကို အနှီးပတ်ဖို့ အရမ်းကြီးမခက်ခဲပေမယ့် မွေးစကတော့ နည်းလမ်းတစ်ကျပတ်ပေးဖို့ လိုပါတယ်နော်။


မွေးစကလေးတွေကို အနှီးပတ်ဖို့ဆိုရင်တော့ ပုံလေးမှာပြထားတဲ့အတိုင်း အရင်ဆုံးအနှီးရဲ့ ထောင့်တစ်ထောင့်ကို အနည်းငယ်ခေါက်လိုက်ရပါမယ်။ ပြီးရင်တော့အဲ့ဒီခေါက်ထားတဲ့ အပိုင်းလေးကို လည်ပင်းနေရာလေးအတိထားပြီး ကလေးကို တင်ရမှာပါ။


ပြီးတဲ့အခါမှာတော့ အနှီးစတစ်ဖက်ကို ခေါက်ချလိုက်ပြီး အနားစွန်းကိုတော့ ကလေးကျောအောက်ဘက်ကို အသာအယာခေါက်ထည့်ရမှာပါ။ တစ်ဖက်ကိုခေါက်ထည့်ပြီးရင်တော့ အောက်ခြေအစွန်းထွက်နေတဲ့ အနှီးစကို အပေါ်ဘက်ကိုခေါက်ပြီး ပခုံတစ်ဖက်အောက်ဖက်ကို ထည့်လိုက်ရပါမယ်။


နောက်ဆုံးမှာတော့ ကျန်ရှိနေတဲ့ အနားစွန်းအနှီးစတစ်ဖက်ကို ကလေးငယ်ကိုပတ်ပေးလိုက်ရင်တော့ သပ်ရပ်စွာနဲ့ သေသေသပ်သပ်လေး အနှီးထုပ်ပေးပြီးဖြစ်သွားမှာပါနော်။